ကြုံရဆုံရ ပေါက်ကရ

ကျွန်တော်တို့  စင်ကာပူဆိုသော ဒီကျွန်းပေါ်ကို ရောက်ကာစက မြန်မာလူဦးရေ အခုလောက် မများသေး။ ထို့  အတွက် ကောင်းကျိုးတွေ ရခဲ့သလို ဆိုးကျိုးတွေလည်းရခဲ့ပါတယ်။

ကောင်းကျိုးတွေက ဘာတွေလည်းဆိုတော့ နိုင်ငံသားတော်တော်များများက respect ပေးကြသည်။ မနှိမ်ရဲပေ။ ဘာမှန်းတော့ ကျွန်တော်နားမလည်၊ ကျွန်တော် နားလည်တာကတော့ အရင်ကအရှိန်နှင့် ဆက်လှိမ့်နေခြင်းသာ ဖြစ်မည်။ အရင်က ကျွန်တော်တို့  နိုင်ငံကို ဒီကောင်တွေ တော်တော် အားကျခဲ့ကြရသည်။

ဒါကြောင့်လည်း little india ဘက်က လမ်းနာမည်တွေကို မြန်မာပြည်မှ မြို့ နာမည်တွေ ပေးခဲ့သည်။ ယခုအခါမှာ မြန်မာပြည်မှာတော့ ဒီမြို့ နာမည်တွေကို အင်္ဂလိပ်လို ဒီကပုံစံအတိုင်း မပေါင်းတော့ပါ။ တစ်ချိန်က အင်္ဂလိပ်တွေ ခေါ်ရလွယ်အောင် စာလုံးပေါင်းခဲ့ခြင်းလည်းဖြစ်နိုင်သည်။ ဥပမာ မော်လမြိုင်ကို မော်လမင်း၊ ပုသိမ်ကို ပဇင်း၊ ရန်ကုန်ကတော့ ရန်ဂွမ်း ပေါ့ဗျာ။

နောက်တစ်ချက်က မြန်မာအချင်းချင်း စည်းလုံးကြသည်။ ရထားပေါ် ကားပေါ် တွေ့ လျှင် ပြုံးပြ နှုက်ဆက်ကြပြီး မိတ်ဖွဲ့ ပြီးလျှင် မိတ်ဆွေ ဖြစ်သွားကြတော့သည်။ လူဦးရေ နည်းတာလည်း ဖြစ်နိုင်သည်။

ဆိုးကျုိုးတွေကတော့ အရာရာ ကိုယ်တိုင်ကိုယ်ကျ ထိုးဖောက်ရသည်။ ရှေဆောင်လမ်းပြ မယ့်သူ မရှိ။ အနည်းဆုံး အနေနဲ့  မြန်မာအစားအစာ စားချင်လျှင် ကိုယ်တိုင် ချက်စားမှ ရသည်။ အခုလို စားသောက်ဆိုင်တွေ မရှိသေး။ ပင်နီဆူလား တစ်ခုလုံး သုံးဆိုင်လား လေးဆိုင်လား မမှတ်မိတော့၊ ဒါပဲရှိသည်။ အဆိုးဆုံးက ဒီက ရိုးရာနေ့ တွေလည်း သေချာမသိကြ၊ ဘာအတွက် လုပ်ကြတာဆိုတာလည်း ကောင်းကောင်း နားမလည်။
အဲဒီထဲကမှ ကျွန်တော်အသိ လင်မယားနှစ်ယောက်ရဲ့ ဖြစ်ပုံကို ပြောပြချင်ပါတယ်။

တစ်ညမှာတော့ လင်မယားနှစ်ယောက် NTUC က ဈေးဝယ်ပြီး ပြန်အလာ သူတို့ အိမ်နားက ကွင်းပြင်ထဲမှာ တရုတ် အော်ပရာတစ်ခု ပြနေတယ်။ သူတို့ လည်း အရင်ကမမြင်ဘူးတာနဲ့  ခဏ ရပ်ကြည့်နေတယ်။ စင်ရှေ့မှာတော့ ထိုင်ခုံတွေ ချထားတယ်၊ ထိုင်ကြည့်နေတဲ့သူ မရှိဘူး။ အော်ပရာကလည်း အပြော အငို တွေက တော်တော်ကို ကောင်းတာ။

ဒါနဲ့ ပဲ နှစ်ယောက်သား အချိန်စောသေးတာနဲ့ ထိုင်ကြည့်ကြမယ်ဆိုပြီး ရှေ့ဆုံးတန်း အလယ်ကောင်ကနေ အေးအေးလူလူကို ထိုင်ကြည့်နေတော့တာပါပဲ။ ဇာတ်စင်ပေါ်ကလူတွေကလည်း ကသာကနေတာ သူတို့ နှစ်ယောက်ကို အံ့သြတဲ့ဟန်နဲ့  ကြည့်နေကြတယ်။ လမ်းသွားလမ်းလာတွေကလည်း ကွက်ကြည့်ကွက်ကြည့်နဲ့ ။ သူတို့ နှစ်ယောက်က လုံးလုံးကို သတိမထားမိဘူး။

ဒီလိုနဲ့ ပဲ မိနစ် ၂၀လောက်ကြာတဲ့အခါမှာတော့ တရုတ်အဖိုးကြီးတစ်ယောက်က မနေနိုင်ဘူးနဲ့ တူပါတယ်၊ သူတို့ ကို လာမေးရော။ မင်းတို့ နှစ်ယောက် ဘာလုပ်နေကြတာလဲပေါ့၊ သူတို့ ကလည်း ပြဇာတ် ကြည့်နေတာလို့  ဖြေလေရော။ အဲဒီမှာ အဖိုးကြီးက ဒါဟာ သူတို့  တရုတ်ရိုးရာအရ တေ စ္ဆသူရဲတွေကို ဖျော်ဖြေနေတာဖြစ်ကြောင်း လူတွေအတွက် မဟုတ်ကြောင်း ပြောပါတော့တယ်။

ဒီမှာတင် လင်မယားနှစ်ယောက် နောက်လှည့်မကြည့်ဘဲ သုက်ခြေတင် အိမ်ကိုပြေးတာ တန်းနေတော့တာပါပဲ။ အဲလို အဖြစ်အပျက်တွေလည်း တစ်ချိန်တုန်းက တကယ်ဖြစ်ခဲ့တာပါပဲ...း))

ကျေးဇူးတင်ပါသည်

ဘလော့ဂ်ဖတ်သူအားလုံးကို မင်္ဂလာပါလို့  ကျွန်တော် နှုတ်ခွန်း ဆက်လိုက်ပါရစေ..........။


ဒီနေ့ ဟာ ကျွန်တော့်ဘလော့ဂ်လေးကို စတင်မွေးဖွားလာတာ တစ်လတင်းတင်းပြည့်တဲ့နေ့ ပါပဲ။ ကျွန်တော် ဘလော့ဂ် လောကထဲ စတင်ဝင်ရောက်လာတဲ့ အချိန်မှာ မိတ်ဆွေ သူငယ်ချင်းဆိုလို့  တစ်ယောက်မှ မရှိပါဘူး။ မြေစမ်းခရမ်းပျိုး အဆင့်နဲ့  စတင်ရတာပါ။ လာရောက် ဖတ်ရှုသူ၊ ကွန်မန့် ပေးသူ လားလုံးကို အထူးပဲ ကျေးဇူးတင်ရှိကြောင်း ဤနေရာမှ ပြောကြားပါရစေ။


လွန်ခဲ့သော နှစ်နှစ်ခန့်  ၂၀၀၇ လောက်ကစတင်၍ ဘလော့ဂ်ပေါင်းများစွာကို ဖတ်ရှုခဲ့ပါတယ်။ ကွန်မန့် တော့ ပေးခဲပါတယ်။ အဲဒီလို ဖတ်နေရင်းနဲ့ ကွန်မန့် ရေးချင်စိတ် ပေါက်လာပါတယ်။ နောက်တော့ အစအဆုံး ရေးချချင်လာပါတော့တယ်။ အဲဒီကစ၍ ဘလော့ဂ်ရောဂါ စွဲကပ်လာပါတော့တယ်။ ဒါနဲ့ ပဲ ဘလော့ဂ်ကို စတင်ဖြစ်တော့တာပါပဲ။

ဘလော့ဂ်စလို့  နှစ်ရက်မြောက်နေ့ ထိ စီဘောက်စ်က ဟောင်းလောင်း၊ ကွန်မန့် တစ်ခုမှ မလာလို့  စိတ်က ပျက်ချင်ချင် ဖြစ်နေတဲ့အချိန်မှာ စီဘောက်စ်မှာ ပထမဦးဆုံး ကွန်မန့် လာပေးသူကတော့ ယူနီကုတ်နဲ့  အလုပ်ရှုပ်နေတဲ့ ကိုဇက်တီ ဖြစ်ပါတယ်။ ပထမဦးဆုံး ကွန်မန့် ဖြစ်လို့ လားတော့မသိဘူး ထီပေါက်တဲ့ နီပါးပျော်သွားတာ ဒါပေမယ့် ကျွန်တော် ထီလည်းမပေါက်ဘူးပါဘူး။

သုံးရက်မြောက်နေ့ မှာတော့ ပထမဦးဆုံးပိုစ့်မှာ ပထမဦးဆုံးကွန်မန့် လာပေးသူကတော့ The Queen ပဲဖြစ်ပါတယ်။ ကျွန်တော်လည်း တော်တော်ကြီးကို အားရှိလာပြီး စိတ်ပျက်ခြင်းအလျဉ်း မရှိတော့ပဲ ရေးချင်စိတ်တွေ တဖွားဖွားပေါ်ပေါက်လာပါတယ်။ နောက်ပိုစ့်တွေမှာတော့ နာမည်ကြီးဘလော့ဂါတွေဖြစ်တဲ့ မkomတို့ ၊ ကို boyz တို့ ၊ ကိုလူထွေးတို့  အပါအဝင် အခြားအခြားသော ဘလော့ဂါတွေ ( ကျွန်တော် ရေးလျှင် ပြီးမှာမဟုက်တော့ပါ..းP) လာရောက် အားပေးတဲ့အတွက် (အထူးသဖြင့် လက်တွဲ ခေါ်လို့ ) ဆက်လက်ရေးဖြစ်တော့တာပါ။

နောက်တစ်ချက် တောင်းပန်စရာတစ်ခုက ကျွန်တော်ရဲ့ My Blog List ထဲမှာပါတဲ့ ဘလော့ဂ်တွေထဲက တစ်ချို့ ဆို ကျွန်တော် လင့်ခ်ခွင့်မတောင်းဘဲနဲ့  ယူ လင့်ခ် မိသွားတယ်၊ ပထမ နားလည်တာက ကျွန်တော်ကြိုက်နှစ်သက်တဲ့ ဘလော့ဂ်တွေမို့  ကျွန်တော်ထည့်လိုက်မိတယ်။ နောက်မှသိတာက ယဉ်ကျေးမှုအနေနဲ့  ခွင့်ပန်ရမယ်ဆိုတာရှိတဲ့အတွက် ဒီနေရာကနေ တောင်းပန်လိုက်ပါရစေ။

နောက်ဆုံးအနေနဲ့  ကျေးဇူးတင်ရမှာကတော့ ပထမဦးဆုံး မမ်ဘာဖြစ်သူ ကိုသားကြီး ပါပဲ။ သူကတော့ နောက်ပိုင်းမှာ ဘယ်ပိုစ့်တင်တင် ကွန်မန့် က အရင်ရောက်နေတော့တာပါပဲ။ ကျေးဇူးပါပဲ ကိုသားကြီးရေ...း)
အခုလို ကျွန်တော်ကို လက်တွဲခေါ်သူအားလုံးကို အထူးကျေးဇူး တင်ပါတယ်၊ ထူးထူးခြားခြားဖြစ်အောင် ပထမဆုံးတွေရဲ့ နာမည်တွေပဲ ထည့်လိုက်မိတဲ့အတွက် နာမည်ကျန်ခဲ့သူအားလုံးကိုလည်း တောင်းပန်ပါရစေ။

စာလာဖတ်သူ အားလုံးမှ စ၍ မျက်စိလည် လမ်းမှားလာသူ အဆုံး အထူးကျေးဇူး တင်ရှိပါတယ်လို့  ဒီတစ်လပြည့် ပိုစ့်လေးမှ မှတ်တမ်းတင်လိုက်ရပါတော့တယ်။

ကျား / မ

သီတာ

သူမ ကိုးတန်းနှစ်တွင် သူမအဖေ လေဖြတ်သွားသည်။ သူမတို့ မိသားစုတွင် သီတာက အကြီးဆုံး၊ အောက်တွင် မောင်ငယ်နှစ်ယောက်။


အမေကတော့ အိမ်ထောင့်တာဝန်ကို တစ်သက်လုံးထိန်းသိမ်းလာတဲ့သူ၊ ယောက်ျားလုပ်သူ ရုံစာရေးလစာနဲ့  ခြိုးခြံချွေတာ နေလာပြီး အခုအချိန်မှာတော့ ဘာလုပ်လို့  ဘာကိုင်ရမှန်း မသိ။ ဒါကြောင့် သီတာ ကျောင်းထွက်ပြီး အိမ်ရဲ့ မီးဖိုချောင်စရိတ်ကို တစ်ဖက်တစ်လမ်းက ဖြည့်တင်းပေးရသည်။

ကျောင်းထွက်ပြီး ပထမ သကြားလုံးစက်ရုံမှာ အလုပ်ရသည်၊ နောက် အထည်ချုပ် စက်ရုံ ဒီလိုနဲ့  ငါးနှစ်ခန့်  လုပ်ခဲ့ရတယ်။ ဒီလိုနဲ့ ဘဲ တိုးတက်လာတဲ့ ကုန်ဈေးနှုန်းနဲ့  အတူ သူမတို့  မိသားစု ဘယ်လိုမှ မရပ်တည်နိုင်ခဲ့၊ အဲဒီအချိန် ရပ်ကွက်ထဲမှ အန်တီဝင်းက မလေးရှားမှ ပြန်ရောက်တော့ သူမ မလေးရှားသွားဖို့ ဆုံးဖြတ်ချက်ချပြီး အန်တီဝင်းနှင့် လိုက်လာခဲ့သည်။

အန်တီဝင်း၏ အပြောကောင်းမှု၊ မိဘနှစ်ပါး၏ အန်တီဝင်းအပေါ် ယုံကြည်မှုတို့ ဖြင့် သူမ အန်တီဝင်းတို့ နှင့် မလေးရှားသို့  အောက်လမ်းဖြင့် လိုက်လာခဲ့သည်။ သူမအဖေ ဝန်ထမ်း ဘဝဖြင့် ရှာဖွေထားသော အိမ်ကလေး၏ ဂရန်မှာ သူမ၏ လမ်းစာရိတ်အဖြစ်ဖြင့် ပြောင်းလဲသွားသည်။

စစချင်း ဆောက်နှင့်ထွင်း ဆိုသည့်အတိုင်း ကော့သောင်းတွင် လမ်းကြောင်းမရှင်းဟုဆိုကာ ၄၅ ရက် သောင်တင်နေသည်။ ဒါပေမယ့် ဒီလမ်းခရီးတွင် အန်တီဝင်းလည်း ပါတဲ့အတွက် သူမ စိတ်မပူမိ၊ အန်တီဝင်းသွားလိုက် လာလိုက် လုပ်နေသည်မှာ လေးငါး ခေါက်ပင်ရှိသည်။ စိတ်ပူသည်ကား သူမအိမ်၏


တရပ်ရိပ်တက်လာသော အတိုးနှုန်းများကြောင့် စဉ်းစားတိုင်း မွန်းကျပ်လာသည်။ အရာရာအားလုံး သူမပေါ် တည်မှီနေသည်။

xxxxxxxxxxxxxxxx xxxxxxxxxxxxxxxxxxx xxxxxxxxxxxxxxxx xxxxxxxxxxxx

အောင်မိုး (ခ) မိုးကြီး

သူ မလေးရှားကို အောက်လမ်းက ရောက်လာတာ ခုနှစ်နှစ်ခန့်  ရှိပြီ။ အစတွင် တော်တော်ကို ရုန်းကန်ရသည်။ မြန်မာပြည်တွင် ကျပ်တည်းစွာ နေခဲ့ရပြီး သူမိသားစု အထူးသဖြင့် သူကလေးနှစ်ယောက် အနာဂတ် အတွက် မိသားစုကို စွန့် ခွာပြီး နိုင်ငံခြားသို့  သူထွက်လာရသည်။ ရောက်ကာစ အခက်အခဲ ဒုက္ခမျိုးစုံ ခါးဆီးခံရင်းနဲ့  မိသားစုအနာဂတ်အတွက် ဖြတ်သန်းခဲ့ရသည်။

ပိုက်ဆံကုန်မည့်အလုပ် ဘာတစ်ခုမှ မလုပ်ဘဲနှင့် ခြိုးခြံကျစ်လစ်စွာ နေထိုင်ခဲ့ရသည်။ တဖြည်းဖြည်း စုဆောင်းမိ၍ လမ်းစရိတ် ကျေသည်၊ နောက် မြန်မာပြည်တွင် ကိုယ်ပိုင်အိမ်ကလေးနှင့် သူ မိသားစု တင့်တောင်းတင့်တည် ဖြစ်လာခဲ့သည်။ တဖြည်းဖြည်း နှစ်တွေ ကြာလာသောအခါ တက္ကစီလေးတစ်စီးဝယ်ပြီး ခိုင်းစားနိုင်လေသည်။

သူအကြောင်းသိသူအားလုံး ပီတိဖြစ်မိသည်။ နိုင်ငံခြားတွင် ကြိုးစားရုန်းကန်ရင်း တိုးတက်လာသော သူဘဝကို အားကျကြသည်။ လွန်ခဲ့သော လေးလလောက်ကစ၍ ကိုယ်ပိုင်အလုပ် ပြောင်းလုပ်သည်။ အလုပ်ကတော့ သူတို့အခေါ် စတောလ်၊ ညနေပိုင်း စားသောက်ဆိုင်းရှေ့ တွင် လက်တွန်းလှည်းလေးဖြင့် အသားကင် ရောင်းချသော အလုပ်။

ဒီလုပ်ငန်းက တော်တော် အလုပ်ဖြစ်လာသည်။ အစတွင် တစ်ဦးတည်း တစ်နိုင်လုပ်သည်။ သူ၏ စေတနာထားမှု၊ ဆက်ဆံရေးပြေပြစ်မှုကြောင့် ဖောက်သည်များလာသည်။ လူပိုတစ်ယောက် ခေါ်ခိုင်းရန်လည်း ပိုက်ဆံပေးရမှာစိုးသောကြောင့် ပင်ပန်းခံကာ လုပ်သည်။

xxxxxxxxxxxx xxxxxxxxxxxxxxxxxx xxxxxxxxxxxxxxxxx xxxxxxxxxxxxxxxx

အန်တီဝင်း



အသက် ၄၅ ဝန်ကျင်ခန့် ရှိသည်။ မလေး၊ ထိုင်း နှင့် မြန်မာပြည်နယ်စပ်ကို စုန်ဆန်ချည် သွားလာနေပြီး လူပွဲစားလုပ်နေသူ။ သူများပွဲစားတွေလို ကလိန်မကျ၊ မှန်မှန်ကန်ကန်နှင့် သူလည်းစား၊ တစ်ဖက်သားလည်း အဆင်ပြေလျှင် ပီတိဖြစ်နေတက်သူ.........။

ဒီတစ်ခေါက် အလုပ်လုပ်ရသည်မှာ သိပ်အဆင်မပြေ၊ ကော့သောင်းတွင် တစ်လခွဲခန့်  ကြာသွားသည်။ ခေါ်လာသော လူကိုးယောက်၏ စားစရိတ် တော်တော်ထောင်းသွားသည်။ ဒီရောက်တော့လည်း အလုပ်ကရှား၊ တော်တော်နှင့် ရှာမရ။

ဒါပေမယ့် သူဂရုမစိုက်၊ ဂရုစိုက်ရမှာက တစ်ရပ်ကွက်တည်းနေ သီတာဆိုသော ကောင်မလေး၊ မိဘတွေနှင့် ရင်းနှီးသည့်အပြင် အာမခံနှင့် ခေါ်လာသောကြောင့် တာဝန်ပိုကြီးသည်။ ကောင်မလေး မိသားစု အကျပ်အတည်းကို သိ၍လည်း ဒီကောင်မလေးကို အလုပ်အမြန် ရစေချင်သည်။

ရောက်ပြီး နှစ်ရက်အကြာ သီတာပြောလာသော စကားကြောင့် အန်တီဝင်း ခေါင်းကိုက်ရသည်။ ဘယ်လိုမှ တားမရမှန်းလည်း သိသည်။ သူမကိုယ်၌က အလုပ်မရှာပေးနိုင်။ သူမ မိုးကြီးနှင့် လက်တပ်တော့မည့် အကြောင်းဖြစ်သည်။ မိုးကြီး၏ ဆိုင်တွင် သူမ ကူလုပ်ပေးရမည် ဖြစ်ပြီး အတူနေရန်ဖြစ်သည်။ ထိုအတွက် မိုးကြီးမှ တစ်လလျှင် သုံးသိန်း အိမ်ကိုပို့ ပေးမည်ဟု ဆိုသည်။

ဒီလိုနဲ့ ပဲ သီတာတစ်ယောက် အဝတ်အစားထုပ်ကို ပိုက်ကာ မိုးကြီးခေါ်ဆောင်ရာနောက်သို့  လိုက်သွားတော့လေသည်။ အန်တီဝင်းတစ်ယောက်မှာတော့ မြန်မာပြည်ပြန်လျှင် သီတာမိဘတွေနှင့် ဘယ်လို မျက်နှာချင်းဆိုင်ရမလဲလို့ သာ တွေးကျန်ရစ်ခဲ့ပါတော့တယ်။

(အထက်ပါအဖြစ်အပျက်များမှာ လွန်ခဲ့သော ၂၀၀၇ ခုနှစ်တွင် ကျွန်တော် မလေးရှားသို့  အလည်သွားခိုက် ကေအယ်လ်၊ ပူချွန်းဒေသတွင် ဖြစ်ပျက်ခဲ့ပြီး နာမည်များကို လွှဲပြောင်းရေးဖွဲ့  ထားသော ဇာတ်လမ်းလေးဖြစ်ပါသည်။)

ထိုအဖြစ်အပျက်ကြောင့် ရှေးလူကြီးများပြောလေ့ရှိသော စကားတစ်ခွန်းကို ပြန်ပြောင်းအောက်မေ့မိပါသည်။



"ပိုက်ဆံမရှိတဲ့ ဒဏ်ကို မိန်းမတွေ မခံနိုင်ဘူး
ပိုက်ဆံရှိတဲ့ဒဏ်ကို ယောက်ျားတွေ မခံနိုင်ဘူး"

Classy mall 2 Market

(ပုံကို ဒီကယူသည်)

မနေ့ က သတင်းစာမှာ ဖတ်လိုက်ရတဲ့ ဒီသတင်းလေးကြောင့် ဝမ်းသာ ဂုဏ်ယူရသလို ကြိုတင်ပြင်ဆင်ပြီး လမ်းကြောင်းပြောင်းသင့်ကြောင်း အကြံပြုပါရစေ။

သတင်း အကျဉ်းကတော့ စင်ကာပူမှာရှိတဲ့ ပင်နီစူလာ ပလာဇာကို မြန်မာစီးပွားရေး လုပ်ငန်းရှင်တွေ တဖြည်းဖြည်း သိမ်းယူလာတဲ့ အတွက်ကြောင့် Little Myanmar ဟု ခေါ်ဆိုရပြီး လိုကယ် လုပ်ငန်းရှင်တွေ တစ်ခြားကို ပြောင်းပြေးနေရတဲ့ အကြောင်းဖြစ်ပါတယ်။ ဘာကြောင့် ပြောင်းရသလဲဆိုတော့ မြန်မာလုပ်ငန်းရှင်တွေဖက်က demand များလာတဲ့အတွက် အခန်းငှါးခတွေ မြင့်တက်လာပြီး လိုကယ်လုပ်ငန်းရှင် တော်တော်များများ ဆက်မငှါးနိုင်တော့ခြင်းဖြစ်ပါတယ်။

လိုကယ်လုပ်ငန်းရှင်တွေပဲ နစ်နာသလားဆိုတော့ မြန်မာလုပ်ငန်းရှင်တွေလည်းပဲ နစ်နာမှုတွေ ရှိပါတယ်။ မြန်မာလုပ်ငန်းရှင်တွေ လုပ်တဲ့ လုပ်ငန်းတော်တော်များများဟာ တစ်ပုံစံထဲ ဖြစ်နေပြီးတော့ သူတို့ ရဲ့ ဖောက်သည်တွေဟာ မြန်မာတွေပဲ ဖြစ်နေပါတယ်။ ဒါဟာ ကျွန်တော် အကျဉ်းချုပ်ရေးပြတာပါ။ အပြည့်အစုံကို ဒီမှာ ဖတ်ပါ။

ဒါကြောင့် ကျွန်တော် အကြံပြုလိုတာက မြန်မာလုပ်ငန်းရှင်တွေ အနေနဲ့  ထိုးဖောက်ပြီးတော့ ဒီကလိုကယ် ဖောက်သည်ရအောင်လည်း ကြံဆကြပါ။ ဥပမာ အစားအသောက်၊ ရိုးရာအဝတ်အထည် ဒါတွေကို ပုံစံသစ်နဲ့  ရောင်းချစေချင်တယ်။

အစားအသောက်ဆိုလည်း ဒီမှာ လိုကယ်တော်တော်များများ စားသုံးတဲ့ ပုံစံအတိုင်း ချက်စေချင်တယ်။ ဥပမာ ဆီလျှော့မယ်၊ အချိုမှုန့်  မသုံးဘူး။ ရိုးရာလည်း မပျက်ပေါ့။ ထိုင်းတို့  အင်ဒိုနီးရှားတို့  ဗီယက်နမ်တို့  အစားအစာတွေတောင် ဒီကလူတွေ တကူးတက သွားစားနေကြတာပဲ၊ မြန်မာ့ အစားအစာလည်း ဘာလို့  မရ ရမှာလည်း။

အဝတ်အထည်ဆိုလည်း မြန်မာ့ရိုးရာ ဝတ်စုံတွေကို ဒီဇိုင်းဆန်းဆန်းလေးတွေနဲ့  ခေတ်နဲ့ အညီ ချုပ်ပြီးရောင်းရင် ရတာပါပဲ။ ဥပမာ စလုံးမှာ နေတဲ့လူတွေ သိမှာပါ။ မလေး လူမျိုးတွေ သူတို့ ရဲ့ ပွဲလမ်းသဘင်ဆိုလျှင် သူတို့ ရဲ့ရိုးရာဝတ်စုံတွေ ဝတ်ဆင်ပြီး သွာလာကြတာ တွေ့ ရမှာပါ။ ကျန်တဲ့အချိန်မှာ ဘယ်လိုပဲ ခေတ်မှီအောင် ဝတ်ဝတ် အဲဒီနေ့ တွေရောက်ရင် ဝတ်ဆင်ထားတာ တွေ့ ရမှာပါ။

အဲဒါ ကျွန်တော် ဥာဏ်မှီသလာက် စဉ်းစားကြည့်တာပါ၊ ဒီထက်ကောင်းတဲ့ နည်းတွေလည်း ရှိဦးမှာပါ။

ဖြစ်နိုင်ရင် ပင်နီစူလားတစ်ခုလုံး မြန်မာဆိုင်တွေ ဖြစ်စေချင်တာ ကျွန်တော် ဆန္ဒပါ.........။

အားလုံးအတွက်

၁၉ ဇူလိုင် မမေ့နိုင်


အာဇာနည်နေ့  ဒို့ မမေ့

City Child

ကမ္ဘာပေါ်တွင် ဘာသာစကားပေါင်း မြောက်များစွာ ရှိသည့်အနက် တစ်ဦးနှင့် တစ်ဦး ဆက်သွယ်ရန်အတွက် အင်္ဂလိပ်စာကို ဘုံအဖြစ် ထားရှိထားသည်။ ထိုကြောင့် ကျွန်တော်တို့ အားလုံး တိုင်းတပါးတွင် အဆင်ပြေစွာ ပြောဆိုနိုင်ရန်အတွက် အင်္ဂလိပ်စကားကို ပြောဆိုကြရသည်။

ထိုသို့ ပြောဆိုရာတွင် လေယူလေသိမ်း၊ အသံထွက်၊ အဖြတ်အတောက် တို့ ကို အထူးဂရုစိုက်သင့်ပေသည်။ ထို သုံးချက်ကြောင့် အဓ္ဓိပါယ်တွေ ပြောင်းသွားသလို၊ လုံးလုံးကို ဘာပြောခြင်မှန်းမသိ ဖြစ်သွားနိုင်သည်။ ထိုအတူ အခြား မည်သည့်ဘာသာစကားမဆို ပြောဆိုလိုလျှင်လည်း ထိုသုံးချက်ကို ဂရုစိုက်၍ ပြောဆိုသင့်ပေသည်။ လုံလုံးမတူလျှင်တောင် အနီးစပ်ဆုံးတော့ ကြိုးစားသင့်ပေသည်။

အဲဒီ လေယူလေသိမ်း၊ အသံထွက် ကိစ္စနှင့် ပတ်သက်၍ အလွဲလွဲအချော်ချော် ဖြစ်ခဲ့သော လူတစ်ယောက်အကြောင်းကို ပြောပြချင်ပါတယ်။ အဲဒီအချိန်မှာ ကျွန်တော်တို့ က ကျောင်းသားဘဝ၊ သူက ကျွန်တော်တို့ ထက် ဆယ်နှစ်ခန့် ကြီးတယ်။

သူနာမည်က ကိုသိန်းလွင်.....

အလုပ်အကိုင်ကတော့ တက္ကစီကားမောင်းတယ်။ တက္ကစီကားမောင်းတယ်ဆိုလို့  သူကို အထင်မသေးလိုက်နဲ့ ဦး။ စာပေးစာယူတက်ရင်းနဲ့  ကားမောင်းစားတာ။ ကားကတော့ ရန်ကုန်မြို့လည် ဘားလမ်းမှာ ဂိတ်ထိုးတယ်။

တစ်ရက်မှာတော့ ဂျပန် မိသားစုတစ်စု ကားလာငှါးပါလေရော။ လင်မယားနှစ်ယောက်ရယ်၊ သူတို့ ရဲ့ ကလေးနှစ်ယောက်ရယ်ပေါ့။ ဂိတ်က ကားသမားအများစုက သိတဲ့အတိုင်း အင်္ဂလိပ်စာ အခြေခံကနည်းတော့ သူကို သွားခိုင်းပါလေရော။ ဒါနဲ့ ပဲ သူသွားမယ်ဆိုပြီး အင်္ဂလိပ်လို မေးလိုက်ပါတယ်....

"ဝှယ်း ...ယူ..ဝန့် (တ်)တူဂိုး.....ဆာ...?"


"စီး..သီး...ချိုင်း....."


"ပလိစ်..ဆေး........အဂိမ်း......."


"ယက်စ်...စီး...သီး...ချိုင်း....."


"အိုကေ..အိုကေ....ကမ်းအင်"

ဆိုပြီးတော့ ကားပေါ်တင်ပါလေရော။ စိတ်ထဲမှာတော့ ဒီဂျပန်တွေ အင်္ဂလိပ်စာ တော်တော်ညံ့တာပဲ လို့  တွေးနေမိတယ်။ ကားမောင်းရင်းနဲ့  သူတွေးနေတာက သူတို့ သွားချင်တဲ့နေရာက စီးသီး(city) ဆိုတာ မြို့၊ ချိုင်း(child) ဆိုတာ ကလေး။ ကလေးတွေရဲ့ မြို့တော် ဆိုတော့ အဲဒီအချိန်မှာ ရန်ကုန်မြို့မှာ လောက်လောက်လားလား နိုင်ငံတကာ အဆင့်မှီ ကလေးကစားကွင်းဆိုလို့  သာကေတ ရှုခင်းသာ တစ်ခုပဲရှိတယ်။
(အဲဒီအချိန် တရိစ္ဆာန်ရုံမှ ကလေးကစားကွင်း မပေါ်သေးပါ)

အဲဒီမှာ ရိုလာကိုစတာ၊ ရဟတ် နှင့် အခြားနိုင်ငံတကာ အဆင့်မှီ ကစားစရာ အစုံရှိတယ်။ နောက်တစ်ချက်က ဒီမိသားစုမှာ ကလေးနှစ်ယောက်ပါလာတဲ့အတွက် ရှုခင်းသာ သွားမှာပဲဆိုပြီး သူ ကောက်ချက်ချလိုက်တယ်။
ဒါနဲ့ ပဲ ရှုခင်းသာ ရောက်သွားပါလေရော။ အဲဒီမှာတင် ပြဿနာ တက်ရော၊ ဂျပန်မိသားစု သွားချင်တာ ဒီနေရာမဟုတ်။

၁၅ မိနစ်လောက် အခြေအတင် ပြောနေရင်းနဲ့ မှ ကိုရွှေဂျပန်က သူ့ ကို ကြိုးစားပြီးရှင်းပြရှာပါတယ်။ သူတို့ လာရတဲ့အကြောင်းက ဒုတိယကမ္ဘာစစ်တုန်းက သူ့ အဖိုးက မြန်မာပြည်တွင် တိုက်ပွဲကျကြောင်း၊ ဒါ့ကြောင့် သူတို့ ရိုးရာအရ လာရောက်ကန်တော့ရခြင်းဖြစ်ကြောင်း၊ အဲဒီအတွက်ကြောင့် သူတို့  စစ်သင်္ချိုင်းကို သွားလိုကြောင်း ရှင်းပြပါတယ်။
အဲဒီကျမှ ကိုသိန်းလွင်လည်း သူ့ နဖူးသူရိုက်ပြီး သာကေတမှ ထောက်ကြံ့ကို မောင်းပို့ ပေးလိုက်ရပါတော့တယ်။
ဂျပန်ကလည်း ကြိုးစားပြီး မြန်မာစကားကို ပြောပေမယ့် လေယူလေသိမ်း လွဲနေတယ့်အတွက် အဓ္ဓိပါယ်ပါ လွဲသွားပါတယ်။
ဒါ့ကြောင့် အခြားဘာသာစကား ပြောဆိုလိုလျှင် အသံထွက်၊ လေယူလေသိမ်း အရမ်းဂရုစိုက်သင့်ကြောင်း ဒီအဖြစ်အပျက်လေးက သက်သေခံလျှက်ရှိပါတော့တယ်။

ကျွန်တော်နှင့် အက္ခရာများ

"မင်းတို့  အကုန်လုံး မြန်မာလူမျိုးတွေ ဖြစ်ပြီး မြန်မာစာကို ခုချိန်ထိ သေချာကို မမှတ်မိသေးတာ ဆရာ အံ့သြတယ်၊ အလယ်တန်းအဆင့်ကို ဘယ်လိုရောက်လာသလဲ"

အထက်ပါ စကားစုတို့ မှာ ကျွန်တော် အလယ်တန်းစရောက်သောနေ့ တွင် ကျွန်တော်တို့  အတန်းပိုင် ဆရာလည်းဖြစ်၊ မြန်မာစာဆရာလည်းဖြစ်သော ဆရာ ဦးခင်မောင်သန်းမှ ကျွန်တော်တို့ အား ပြောဆိုနေခြင်းဖြစ်သည်။ ဘာကြောင့်လည်းဆိုတော့ ကျွန်တော်တို့ ငါးတန်းစတက်သောနေ့ တွင် အတန်းပိုင်ဆရာက မြန်မာစာ ဆရာဖြစ်ပြီး ပထမဦးဆုံးနေ့ တွင် ကျွန်တော်တို့  တစ်တန်းလုံးအား မြန်မာအက္ခရာ ဗျည်း ၃၃လုံးအား တစ်တန်းလုံး စာအုပ်တွင် ရေးခိုင်းပြီး စားပွဲပေါ်လာတင်ရန် ဖြစ်သည်။

ကျွန်တော်တို့ အားလုံး အလယ်တန်းအဆင့် ရောက်ပြီဖြစ်၍ သူငယ်တန်းတွင် သင်ခဲ့သောစာကို ဆရာဘာကြောင့် ရေးခိုင်းသလဲဟု အံ့သြနေကြသည်။ ပြီးတော့ ကိုယ့်ကိုယ်ကို ယုံကြည်မှု အပြည့်ဖြင့် စာအုပ်၏ ပထမဆုံး စာမျက်နှာတွင် ချရေးကြသည်။ ပြီးတော့ ဆရာ့စားပွဲတွင် စာအုပ်ထပ်ထားကြသည်။ တစ်တန်းလုံးပြီး၍ ဆရာစစ်သောအခါ အားလုံးမှန်သူ လက်ငါးချောင်းမပြည့်၊ ကျွန်တော်လား မှားတဲ့ထဲမှာ ပါတာပေါ့ဗျာ။

အများဆုံးမှားတာကတော့ တတလင်းချိတ်၊ ထဝမ်းဘဲ နှင့် တရင်ကောက် တို့ ဖြစ်ကြပါတယ်။ ကျွန်တော်လည်း အဲဒီ သုံးလုံးပဲ မှားတာခင်ဗျ။ အဲဒီမှာတင် ဆရာက ကျွန်တော်တို့ အားလုံး ဒီစာလုံး သုံးလုံးကို တစ်သက်မမေ့အောင် ကျောက်သင်ပုန်းပေါ်မှာ ပုံဆွဲပြီး ပုံပြင်လေးနဲ့  ရှင်းပြတာ ကျွန်တော်တို့ မှာ သဘောကျလို့  မဆုံး၊ တစ်သက်လုံးလည်း မမေ့တော့ပါ ခင်ဗျာ။

ဘလော့ဖတ်သူအားလုံး သိပြီးသားဆိုရင်လည်း တောင်းပန်ပါတယ်၊ ကျွန်တော့် အတွေ့ အကြုံလေးကို ဝေမျှချင်လို့ ပဲ သတ်မှတ်လိုက်ပါ။

ပုံပြင်ကတော့ ဒီလိုပါ...........။

တစ်ခါက ညီအကို သုံးယောက်ဟာ ခရီးထွက်လာရင်း တောလမ်းလေးတစ်ခု အဖြတ်မှာ ကြီးစဉ်ငယ်လိုက် အကိုကြီးက ရှေ့ က ဦးဆောင်ပြီးဖြတ်တယ်။ အဲဒီလို ဖြတ်လာရင်း အငယ်ဆုံးကောင်က အလတ်ကောင်ကို လှမ်းစပါလေရော။ အဲဒီပုံကတော့ အောက်ကပုံပါ

ဋ

သူပုံက ရှေ့ ကို လျှောက်နေရင်းနဲ့  ခြေထောက်နဲ့  အလတ်ကောင်ကို လှမ်းတို့ တဲ့ပုံပါပဲ။
ဒါကို အလတ်ကောင်က အားကျမခံ ရှေ့ ကို လျှောက်နေရင်းနဲ့  နောက်က အငယ်ကို ခြေထောက်နဲ့ ပြန်တို့ တယ်။ ပုံကိုကြည့်ပါ.....။

ဌ

ဒါကို ရှေ့ ကသွားနေတဲ့ အကိုကြီးက ကြားတော့ မင်းတို့ တွေ လမ်းလျှောက်းရင်း ဆော့မနေနဲ့ ကွ လို့  နောက်ကိုလှည့်ပြီး ငေါက်ပါလေရော။ ပုံက အောက်မှာပါ....

ဍ

စာဖတ်သူ မမြင်သေးရင် ညီအကို သုံးယောက်ပုံကို တန်းစီပြီး ကြည့်ရင် ဒီလိုပုံပါ....

ဋ ဌ ဍ

ဆရာလည်း အဲသလို သင်ပြီးရော တစ်တန်းလုံး ရယ်လို့  မဆုံးတော့ဘူး။ ကျွန်တော်လည်း ခုချိန်ထိ မမှားတော့ဘူး။ တစ်သက်လုံးကို စွဲသွားပါလေရော။ စာဖတ်သူ အားလုံးလည်း အမှတ်တရ ရှိစေရန်၊ ဆရာကိုလည်း အဝေးတစ်နေရာကနေ ဂုဏ်ပြုရာရောက်စေရန် ရည်ရွယ်၍ ဤပိုစ့်လေး ရေးသားလိုက်ရပါတယ်။

အတ္တပုံဆောင်ခဲများ

ကျွန်တော်တို့  နေထိုင်သော ကမ္ဘာတွင် ကျွန်တော်တို့ လူမျိုးလောက် ဂါဝရတရားပြည့်ဝသော လူမျိုး ယနေ့ တိုင် ကျွန်တော်မတွေဘူးသေးပါ။ အသက် တစ်ရက်၊ တစ်မိနစ်၊ တစ်စက္ကန့်  ကြီးသူကိုပင် ရိုသေလေးစားကြသည်။ ခရီးသွားလာရာတွင်လည်း အသက်အရွယ်ကြီးသူများ၊ ကိုယ်ဝန်သည်များကို မည်သူမျှ အမိန့် တစ်စုံတစ်ရာ ထုတ်စရာမလိုဘဲ နားလည်မှူဖြင့် ညှာတာဖေးမကြသည်။

ယခု ကျွန်တော်နေထိုင်သော စင်ကာပူကျွန်ပေါ်တွင်ကား ထိုသို့ မဟုတ်၊ အမိန့် အာဏာဖြင့်ပင် ထိုသူများအတွက် ကား၊ ရထားများပေါ်တွင် နေရာသတ်မှတ်နေရသည်။ ဒီကိစ္စကို စင်ကာပူတွင် နေထိုင်ကြသော ရွှေမြန်မာများ အားလုံးအသိပင်ဖြစ်သည်။ အတ္တကြီးမားသော ဒီနိုင်ငံသားများတွင် တစ်ဖက်သားအပေါ် အထူးသဖြင့် အားနည်းသူအပေါ် ညှာတာရကောင်းမှန်း မသိ၊ သူတို့ သိသည်ကား ပိုက်ဆံပေးစီးရ၍ အခွင့် အရေးကို အပြည့်အဝ ပြန်လည် ရရှိရန်ဖြစ်သည်။

ကျွန်တော် တခါတရံ ကြုံဖူးသည်မှာ ထိုသူများအတွက် သတ်မှတ်နေရာမှာပင် အကျအနဝင်ထိုင်ပြီး အိုမင်းမစွမ်းသူများ (သို့ ) ကိုယ်ဝန်သည်များ ရထားပေါ်၊ ကားပေါ်တက်လာလျှင်ပင် မသိကျိူးကျွန်ပြု၍ အိပ်ချင်ဟန်ဆောင်ခြင်၊ ဟန်းဖုန်းထုတ်၍ ဂိမ်းဆော့ချင်ဟန်ဆောင်ပြီး နေရာဖယ်မပေးသည်များကို နေ့ စဉ်နီးပါး မြင်တွေ့ နေရပါသည်။ ဘယ်သူမှလည်း ထိုသူများကိုနေရာဖယ်ဖို့  မပြောကြပါ။ ကျွန်တော်လည်း ဝင်မပြောပါဘူး၊ ဒါပေမယ့် ရင်ထဲမှာတော့ ကျလိကျလိနဲ့  အသည်းတော်တော်ယားစရာ ကောင်းပါသည်။
ဒါပေမယ့် ဒီကိစ္စ တော်တော်များများကို အစိုးရလည်းသိပါသည်။ ရထားပေါ် ကားပေါ်တွင် ထိုင်စရာနေရာ သတ်မှတ်ပေးခြင်း၊ နိုင်ငံကျော် သရုပ်ဆောင်များနှင့် ကြော်ငြာရိုက်ပြီး စည်းရုံးခြင်းများဖြင့် လူတွေကို သိမ်းသွင်းနေပါသည်။

ဒါပေမယ့် တစ်ချို့ အချက်တွေ ကျန်ရှိပါသေးသည်။ နေ့ စဉ်နံက်တိုင်း ရုံးတက်ချိန် ရထားကျပ်၊ ကားကျပ် အချိန်တွေ့ မြင်ရသည်များကို ရင်ဖွင့်ပါရစေ။

သတင်းစာ
တချို့ သောလူတွေ သည် ရထားပေါ်ရောက်လျှင် မတ်တပ်ရပ်စရာ နေရာ ယူပြီးလျှင် ပါလာသော သတင်းစာကိုထုတ်၍ သဲသဲမဲမဲ မလှုပ်မယှက် ဖတ်တော့သည်။ မိတ်ဆွေ စဉ်းစားကြည့်ပါ၊ လူတစ်ယောက် မတ်တပ်ရပ်၍ သတင်းစာဖတ်သော နေရာတွင် လူနှစ်ယောက် ကောင်းကောင်းရပ်နိုင်သည်။ ဒီကလူတွေသည် ရထားပေါ် ကားပေါ်တွင် နဲနဲမျှ အတွန်းအထိ မခံချင်၊ မခံနိုင်ပါ။ ဘယ်သူမှ တွန်းထိုး၍ အဲဒီနေရာကို မကပ်ကြပါ၊ ထို့ ကြောင့် တစ်ယောက်စာ နစ်နာပါသည်။


ကျောပိုးအိတ်
ကျောပိုးအိတ်လွယ်ထားသူတစ်ယောက် ရထားပေါ် ကားပေါ်တက်လာလျှင် ဖြစ်သင့်သည်မှာ မိမိလွယ်အိတ်ကို ချွတ်၍ ရှေ့ သို့ ထားကား သွားလိုရာသို့  သွားရမည်။ တစ်ချို့က ထိုသို့ မဟုတ် ကျောပိုးအိတ် တကားကားနှင့် လမ်းတလျှောက် လူများကို ဒုက္ခပေးတော့သည်။ ရှေ့ ပိုင်းက ပြဿနာ မရှိ သူရှောင်ကွင်းသွားနိုင်သည်။ နောက်ဖက်ပိုင်းသည် ဟိုလူ့ တိုက်၊ ဒီလူ့ တိုက်နှင့် သူကိုယ်တိုင်မသိရှာ။ စိတ်ဆိုးရန်လည်းအခက်၊ တမင်ကြံရွယ်မှု မရှိ။


မြူးဇစ် (သို့ ) ဂီတ
တစ်ချို့ သောလူများသည် ရထားပေါ် ကားပေါ် ရောက်လျှင် ပတ်ဝန်းကျင်ကို ဂရုမစိုက်၊ ပါလာသော ဟန်ဖုန်းဖြင့် ကြိုက်နှစ်သက်သော သီချင်းကို စပီကာဖွင့်ကာ နားထောင်လျှက် ဇိမ်ယူတက်ကြသည်။ နားကြပ်တပ်နားထောင်၍လည်း ရပါသည်။ ကျွန်တော် နားမလည်နိုင်ပါ။ ထိုသို့ သောလူများသည် ပတ်ဝန်းကျင်ကို အတော် ဒုက္ခပေးသည်။

အထက်ပါ အကြောင်းအရာများသည် ကျွန်တော် နေ့ စဉ် ရုံးတက် ရုံးဆင်းချိန် အထူးသဖြင့် လူကျပ်ချိန်တွင် တွေမြင်နေရသော အတ္တကြီးသူများကြောင့်ဖြစ်ပေါ်လာသော ခံစားချက်များကို ဖြေဖျောက်စေရန် အလို့ ငှါ ဒီနေရာကနေ ရင်ဖွင့်လိုက်ရပါတယ်။

နိုးထလာသော အာရှနဂါး (သို့ ) ရှန်ဟိုင်း (၃)

ဒီလိုနဲ့  ညဘက် အမြန်လမ်းမပေါ်မှာ ကျွန်တော်တို့  ကားလေးဟာ ရှန်ဟိုင်းမြို့ ဆီကို ဦးတည်မောင်းနေပါတယ်။ ညဘက် အမြန်လမ်းမပေါ်မှာ ကျွန်တော်တွေ့ ရသလောက် ကုန်တင်ကားကြီးတွေ တအားများတာ။ ကျွန်တော်တို့ ကားလေးဟာ ဟိုကြားဝင် ဒီကြားဝင်နဲ့  ည ၁၀နာရီခွဲ လောက် ရှန်ဟိုင်းမြို့ ပေါ်ကို ရောက်ရှိလာပါတယ်။ ကျွန်တော်တို့ လည်း ဈေးပေါတဲ့ မိုတယ်လေးမှာပဲ တညတာ နားခိုခဲ့ကြရပါတယ်။
ပေါချောင်ကောင်း မိုတယ် (တရုတ် နာမည် မဟုတ်ပါ)

ဘာဖြစ်လို့ လည်းဆိုတော့ အဲဒီ မိုတယ်ခက အိပ်ထဲက စိုက်ရလို့ ........း)

နောက်နေ့ မနက် အိပ်ယာနိုးတာနဲ့  ရှန်ဟိုင်းမြို့ရဲ့ အထင်ကရဖြစ်တဲ့ တုန်ဖန်းမင်းဇူ ကို အရောက်သွားကြပါတယ်။ တက္ကစီ ငှါးသွားတာပေါ့။ အဲဒီမှာ ထူးထူးဆန်းဆန်းတခုက ဒရိုင်ဘာတွေ တော်တော် လုံခြုံမှူ ရှိကြပါတယ်။ ဘယ်လောက်တောင် တက္ကစီတွေ အလုခံရလည်း မသိဘူး။ အောက်ကပုံကို ရှုပါမိတ်ဆွေ။

မှန်ပေါင်းချောင်ထဲက ဒရိုင်ဘာ

ဒီလိုနဲ့ ပဲ ရှန်ဟိုင်းမြို့လည်ကောင်က တုန်ဖန်းမင်းဇူ ဆိုတဲ့ မျှော်စင်ကိူ ရောက်သွားပါတယ်။
အဲဒီမျှော်စင်က ရှန်ဟိုင်းတစ်မြို့လုံး အပေါ်စီးကနေ ကြည့်မြင်နိုင် ပါတယ်။ ဒါပေမယ့် ကျွန်တော်တို့  ရောက်တဲ့ အချိန်ဟာ ရှန်ဟိုင်းမြို့ဟာ တစ်မြို့လုံး မြူတွေဆိုင်းနေပါတယ်။ အရာရာဟာ မှူန်ဝါးပြီး စွတ်ဆိုနေပါတယ်။ အဲဒိမျှော်စင်တောင် တဝက်ပဲ မြင်ရပါတယ်။ ဒါနဲ့ ပဲ အပေါ် မရောက်ခဲ့ပါဘူး။

ကင်မရာမဆန့် တဲ့ မျှော်စင်

ရှန်ဟိုင်းမြို့ ဟာ ကျွန်တော် ထင်တာနဲ့  တခြားစီဖြစ်တာကို အံ့သြစွာတွေ့ ခဲ့ရပါတယ်။ သူဟာ mega city ထဲမှာ ပါဝင်ပြီး LAတို့ ၊ Sanfrancisco တို့ နဲ့  ယှဉ်ဘောင်တန်းနိုင်ပါတယ်။ ဒါတွေ အားလုံးဟာ ၂၀၀၀ ခုနှစ် နောက်ပိုင်း တဟုန်ထိုး တိုးတက်မှုတွေရဲ့ ပြယုဂ်ပါပဲ။ ဒါကြောင့်လည်း စလုံးကို တရုတ်ပြည်က မြို့ ကြီးသားတွေ မလာတာပေါ့။

ရုန်းထနေတဲ့ နဂါး (သို့ ) ရှန်ဟိုင်း
မိုးမျှော်တိုက်တွေဆိုတာ စလုံးမှာ လက်ချိုးရေလို့ ရတယ်။ ရှန်ဟိုင်းမှာ တမျှော်တခေါ် မျက်စိတစ်ဆုံး ဆောက်နေဆဲ၊ ဆောက်ပြီးတဲ့ အဆောက်အဦးတွေကြီးပဲ။ ကုန်တိုက်တွေဆိုလည်း ဧရိယာ အကျယ်ကြီးယူပြီး ဆောက်ထားတာ ကျွန်တော်တို့  ကျွန်းလေးပေါ်က လူသားတွေအတွက် ကြည့်လို့ မဝဖြစ်ခဲ့ရပါတယ်။

၇ ထပ်လုံးဆိုင်တွေနဲ့ ပြည့်နေတဲ့ shopping mall

ဒါကြောင့် တိုင်းပြည်တစ်ပြည်ဟာ ဘယ်စနစ်နဲ့ သွားသွား တိုင်းပြည်အတွက်၊ ပြည်သူအတွက် ပြန်ကြည့်ရင် တိုးတက်မှာ မလွှဲပါ။

ဒီလိုနဲ့  ကျွန်တော်ဟာ လေယာဉ်ချိန် နီးတဲ့အခါမှာတော့ ဟိုတယ်ပြန် check out လုပ်ပြီး red-dotကျွန်လေးဆီသို့  ပြန်လာခဲ့ ရပါ တော့တယ်။

မှတ်ချက်။ ။ ကမ္ဘာ့မြေပုံပေါ်က အနီစက်(စင်ကျားပူ)

နိုးထလာသော အာရှနဂါး (သို့ ) ရှန်ဟိုင်း (၂)

ဒီလိုနဲ့  ကျွန်တော်တို့  အဖွဲ့  ဟော်တယ်မှာ ပစ္စည်းတွေချပြီး နန်းတုန်းမြို့ ရဲ့ ရှုခင်းတွေကို ဟော်တယ်ပေါ်ကနေ ကြည့်ရှုတဲ့အခါမှာ နန်တုန်းမြို့ ဟာ စက်ရုံအလုပ်ရုံ အမြောက်အများ ဖွင့်လှစ်ထားတဲ့အတွက် တိုးတက်တယ်လို့  ခေါ်နိုင်ပေမယ့် သဘာဝပတ်ဝန်းကျင်ပိုင်းမှာ ယုတ်လျော့လာတာ တွေ့ ရပါတယ်။
ဘာဖြစ်လို့ လဲဆိုတော့ တစ်မြို့ လုံးဟာ မိးခိုးငွေ့ တွေနဲ့  အုံ့ မှိူင်းလို့ နေပါတော့တယ်။


မီးခိုးတွေ ဖုံးလွှမ်းနေတဲ့ မြို့ နန်တုန်း

ကျွန်တော်တို့  တည်းရတဲ့ အခန်းက ၁၃ ထပ်မှာ ရှိပြီး တစ်မြို့ လုံကို အပေါ်စီးကနေ မြင်နေရပါတယ်။ တိုးတက်မှုနဲ့ အတူ ဆုတ်ယုတ်မှူက ဒွန်တွဲ ပါလာတက်ပါတယ်။


လွှမ်းမောဖွယ်ရာ မြို့ နန်တုန်း



ညရောက်တော့ ဟော်တယ်နဲ့  နီးတဲ့ စားသောက်ဆိုင်မှာ ညစာထွက်စားကြပါတယ်။ စားသောက်ပြီး အပြန်လာ လမ်းမှာ ရယ်စရာအဖြစ်အပျက်တစ်ခု ကြုံခဲ့ပါသေးတယ်။ မျက်နှာချင်းဆိုင်ကနေ လူတစ်ယောက် မျောက်တစ်ကောင်ကို ဆွဲပြီးလာနေတယ်။ မျက်နှာချင်းဆိုင်ဆိုတော့ ကျွန်တော်တို့ လည်းကြည့်ကြတာပေါ့၊ အဲဒီမှာ သူက မျောက်ကို ဂျွှမ်းထိုးခိုင်း၊ ကင်းမြီးကောက် လျှောက်ခိုင်းလိုက် နဲ့ အမျိုးမျိုးဆော့ခိုင်းတော့တာပဲ။ ပြီးလဲပြီးရော ပိုက်ဆံတောင်းပါလေရော။ တရုတ်တွေ ပိုက်ဆံရှာချက်ကတော့ ကြံကြံဖန်ဖန်ကို ရှာတက်တာ ချီးကျူးစရာပဲ။

ကျွန်တော်တို့ လည်း အလုပ်ကို တက်သုတ်ရိုက်လုပ် တော့တာပဲ။ ဘာဖြစ်လို့ လည်းဆိုတော့ ရှန်ဟိုင်းမှာ လည်ချင်လို့ ပေါ့။ ဒီလိုနဲ့  ၅ ရက် ၄ ည နေပြီး သောကြာနေ့ ညနေဘက် အလုပ်ပြီးပြီးချင်း ပစ္စည်းတွေသိမ်း၊ ဟော်တယ်မှာ check out လုပ်ပြီးတာနဲ့  ရှန်ဟိုင်း ကို ညတွင်းချင်း ချီတက်လာခဲ့ပါတော့တယ်................။

ဆက်ပါဦးမည်..............။

အောက်မေ့ဖွယ် တစ်ချိန်က (၂)

မြန်မာငွေ ၁၈၀ ကျပ် => စင်ကာပူ ၁ ဒေါ်လာ

ကြက်ဥ တစ်ကဒ် => စင်ကာပူ ၈၀ ဆင့်

တီး ၊ ကော်ဖီ => စင်ကာပူ ၄၀ ဆင့်

ထမင်းတစ်ပွဲ => စင်ကာပူ ၂ ဒေါ်လာ

ဘတ်စ်ကား(ရိုးရိုး) => စင်ကာပူ ၄၀ ဆင့် (အနီးဆုံး ခရီး)
(အဲဒီခလုပ်ကို ရွှေခလုပ်ဟု ခေါ်ပါသည်)

ဘတ်စ်ကား(အဲကွန်း) => စင်ကာပူ ၆၀ ဆင့်

တက္ကစီ ခ => စင်ကာပူ ၁ ဒေါ်လာ ၂၀ ဆင့် (မီတာ စမှတ်ဈေး)

စီးကရက်(၂၀ လိပ်ဗူး) => ၄ ဒေါ်လာ ၅၀ ဆင့်

စီးကရက်(၁၀ လိပ်ဗူး) => ၂ ဒေါ်လာ ၇၀ ဆင့်
(၂၀၀၀ခုနှစ် နောက်ပိုင်း မရှိတော့ပါ)

စီးကရက် (၆ လိပ်ဗူး) => ၁ ဒေါ်လာ ၇၅ ဆင့်
(၂၀၀၀ခုနှစ် နောက်ပိုင်း မရှိတော့ပါ)

ပုံပြင်လို့ တော့ မထင်မှတ်ပါနဲ့ ။ လွန်ခဲ့သော ၁၀နှစ်ကျော် အတိအကျ ဆိုရလျှင် ၁၉၉၈ ဝန်းကျင်က ကျွန်တော်တို့  စင်ကျားပူ ရဲ့ ကုန်ဈေးနှုန်း ပါ။ ပထမပိုစ့်မှာ အတိက်ကို ပြန်တမ်းတရင်းနဲ့  အခုပိုစ့်မှာ လွမ်းမောစရာ အနေနဲ့  မှတ်တမ်းတင်လိုက်ရပါတယ်။

ခြွင်းချက် ။ ။ ဈေးနှုန်းတက်လိုလျှင် ပြည်သူတွေကို ကြော်ငြာပါသည်။

အောက်မေ့ဖွယ် တစ်ချိန်က

ဒီနေ့ မနက် အလုပ် ပိတ်တာနဲ့ ၈နာရီခွဲမှ အိပ်ယာက နိုးလာတယ်။ ဒါနဲ့  နိုးနိုးချင်း မျက်နှာမသစ်သေးဘဲ ဧည့်ခန်းမှာရှိတဲ့ သတင်းစာ အဟောင်းတွေက်ု ဟိုလှန်ဒီလှန် လျှောက်ဖတ်တာ သတင်းတစ်ခု သွားတွေ့ တယ်။ ဘာလဲဆိုတော့ စင်ကာပူက အိမ်ရှင်အဖြစ် ကြီးမှူးကျင်းပတဲ့ အာရှလူငယ် အိုလံပစ် ပွဲအကြောင်း ဖြစ်ပြီး အဲဒီမှာ ပါဝင်တဲ့ မြန်မာလူငယ်ဘောလုံးအသင်းရဲ့ အုပ်စုပွဲ အဖြေဖြစ်ပါတယ်။

လူငယ်အိုလံပစ် ဖြစ်တာနဲ့ အညီ အသက် ၁၄နှစ်အောက် ဖြစ်ပြီး အလွန်ဆုံးရှိလှ အလယ်တန်းအဆင့် ကလေးတွေ ဖြစ်ပါတယ်။ မြန်မာလူငယ်အသင်းရဲ့ အုပ်စုပွဲစဉ် အကုန်လုံးကို တီးမားဆက် ပိုလီကျောင်းကွင်းမှာ ကျင်းပတာပါ။ ပွဲအဖြေကတော့ အားလုံးသိတဲ့ အတိုင်း ပထမဦိးဆုံး မြန်မာနဲ့ တရုတ်(၃း၇)၊ မြန်မာနဲ့  ကိုရီးယား (၁း၅) ရှုံးတာပါ။ နောက်ဆုံးပွဲ ပါကစ္စတန် နဲ့  (၁း၁) သရေကျပါတယ်။ ပွဲတွေကို ကျွန်တော်မကြည့်ရပါဘူး။

အဲဒီပွဲအဖြေတွေကြည့်ပြီး ကျွန်တော်တို့  အလယ်တန်းကျောင်းသားဘဝ ၁၉၉၀ လောက်က ကျွန်တော်တို့  ကျောင်းမှာ ကျင်းပတဲ့ ကျောင်းဘောလုံးပွဲကို အမှတ်ရစေပါတယ်။ ကျွန်တော်တို့ ကျောင်းအကြောင်း အရင် ရှင်းပြဦးမှာပါ။ ကျွန်တော်တို့ ကျောင်းက အ.ထ.က(၃) တာမွေ ဖြစ်ပြီး ကျောင်းရဲ့ ဘေးမှာ ကျိုက္ကဆံကွင်းကြီး ရှိပါတယ်။

ကျွန်တော်တို့  ၈တန်းနှစ်မှာ ဒီဘောလုံးပွဲ ဖြစ်ပေါ်လာပါတယ်။ တစ်ပတ် တစ်ရက် နောက်ဆုံးချိန် သုံးချိန်ကို အားကစားအချိန် အဖြစ် သတ်မှတ်ပါတယ်။ ကျွန်တော်တို့ ရဲ့ ပီတီဆရာက ကျွန်တော်တို့  ၈တန်းတွေကို ဘောလုံးကန်ဖို့  လိုက်ပြောပါလေရော။ မိန်းကလေးတွေက အဲဒီအချိန်မှာ ခေတ်စားနေတဲ့ အေရိုးဗစ်လေ့ကျင့်ခန်း လုပ်ရမှာ ဖြစ်တယ်။ ကျန်တဲ့အခန်းတွေ ပြဿနာမရှိပေမယ့် ကျွန်တော်တို့ အခန်းက ပြဿနာရှိပါလေရော။

ကျွန်တော်တို့ ကျောင်း ရဲ့စနစ်ကို အနည်းငယ် ရှင်းပြပါရစေ။ နှစ်တိုင်း အတန်းတင်စာမေးပွဲရဲ့ အမှတ်ပေါင်းကိုကြည့်ပြီး အတန်းခွဲပါတယ်။ ကျွန်တော်တို့  အခန်းက ၈ တန်း အေ ပါ (ကြုံတုန်းကြွှားတာပါ...........P)။ ဆိုတော့သိတဲ့အတိုင်း ယောက်ျားလေး အားလုံးပေါင်းမှ ၁၂ယောက်ပဲ ရှိပြီး တစ်ယောက်က စောစောစီးစီးကို ငြင်းထားတာပါ၊ ဘယ်လိုမှ ကန်လို့ မရတဲ့ အခြေအနေ၊ ရောဂါသည်။ ကျန်တဲ့ ၂၈ယောက်က မိန်းကလေးတွေဖြစ်ပြီး ကျွန်တော်တို့ ရဲ့အသင်းကို လုံးဝကို မမျှော်လင့်တာပါ။ နောက်တစ်ချက်က ဒီယောက်ျားလေး ၁၂ယောက်ထဲက ၃ပုံ ၂ပုံက စာဂျပိုးတွေကြီးပဲ။ ကျွန်တော်လား.....ဟိုစပ်စပ် ဒီစပ်စပ်ပေါ့။

ဒီလိုနဲ့  အုပ်စုတွေခွဲတော့ ကျွန်တော်တို့  အေ အခန်းရယ်၊ အီး အခန်းရယ်၊ အိုင် အခန်းရယ် တစ်အုပ်စုထဲ ကျပါလေရော။ အိုင် အခန်းဆိုတာ နောက်ဆုံးခန်းဖြစ်ပြီး နှစ်ကျတွေချည်းပဲ စုထားတဲ့ အခန်းပေါ့။ လူကောင်ချင်း ဘယ်လိုမှ ယှဉ်လို့  မရတဲ့ အနေအထား...။
ဒီလိုနဲ့  ကန်မယ့်နေ့ ရောက်လာတော့ ပထမဆုံးနေ့ မှာ ကျွန်တော်တို့  အေ နဲ့  အိုင် စကန်ရမယ့်နေ့ ။ တစ်ကျောင်းလုံးလည်း စိတ်ဝင်စားစွာနဲ့  ပွဲအဖြေကို နားစွင့်နေကြတယ်။ ကျန်တဲ့အခန်းတွေက စာဆက်သင်နေတယ်။ မိန်းကလေးတွေကတော့ အားကစားခန်းမထဲမှာ ပီတီ ဆရာမနဲ့  ကျန်ခဲ့တယ်။

ဒီလိုနဲ့  ကွင်းထဲမှာ စကန်တော့ ပထမပိုင်း ၁၀ မိနစ်မှာ ၃ဂိုး အသွင်းခံထားရတယ်။ ဒီလိုနဲ့  ဆက်ဆော့တာ ပွဲပြီးကာနီးတော့ အိုင် ခန်းက သူတို့ အချင်းချင်းနောက်ပြီး သူတို့ ဂိုး သူတို့ ပြန်သွင်းတာ ၂ ဂိုး....။ ပွဲပြီးတော့ တစ်ကျောင်းလုံး အံ့သြ နေတာ ကျွန်တော်တို့  အေ ခန်းက အိုင်ခန်း နဲ့ ကန်တာ ၃ ဂိုး ၂ ဂိုး ဆိုပြီး တကျောင်းလုံး ပြန့် သွားရော။ ကျွန်တော်တို့ လည်း ရှက်ရှက်နဲ့  ဘာမှမပြောဘဲ ဒီအတိုင်းထားလိုက်တယ်။

ဒီလိုနဲ့  နောက်တစ်ပွဲ အီး အခန်း နဲ့  ကန် ရ တဲ့အခါ အီး ခန်းက ကျွန်တော်တို့ ကို ရှိန်ပြီး သေချာကို ကန်တော့ ပါရော။ ပွဲပြီးတော့ အဖြေက ၁၃ ဂိုး ဂိုးမရှိ။ ဂိုးသမားပြောင်းပြောင်းပြီး စောင့်တာ ရှိသမျှ ၁၁ ယောက် ကုန်သွားရော။ ကျွန်တော်တို့  အခန်းလည်း နာမည်ကို တော်တော် ကြီးသွားတယ်။ ကျွန်တော်တို့ အခန်းက မိန်းကလေးတွေဆို ပွစိပွစိကို ဖြစ်ကုန်ရော။ကျွန်တော် ဘဝမှာလည်း ဒီဘောလုံးပွဲလေးဟာ တစ်သက် မမေ့နိုင်ဖြစ်ရော။

အခု ဒီအိုလံပစ် လူငယ် ဘောလုံးပွဲလည်း တရုတ်နဲ့  ပထမပွဲ မှာ ဆွေမျိုးပေါက်ဖော် ဖြစ်လို့  ဂိုးပြန်သွင်းနိုင်ပြီး ဒုတိယ ကိုရီးယား နဲ့ ပွဲက အပြတ်အသတ်ကို ရှုံးတော့တာပါပဲလို့  ကျွန်တော်ထင်ပြီး တစ်ချိန်တုန်းက ကျောင်းက သူငယ်ချင်းတွေကိုလည်း ပြန်ယောင် အောက်မေ့မိပါတယ်။
ဒီလို ငယ်ဘဝဆိုတာလည်း ပြန်ယူလို့ မှ မရတော့တာ၊ အဲဒီအတွက် ကျောင်းတုန်းက သူငယ်ချင်းတွေကို အောက်မေ့သတိရပြီး ကျွန်တော့်ဘလောဂ်ပေါ်မှာ မှတ်တမ်းတင်လိုက်ပါတယ်။

ငယ်သူငယ်ချင်းများ အားလုံ့းကို သတိရလျက်...........................

နိုးထလာသော အာရှနဂါး (သို့ ) ရှန်ဟိုင်း (၁)

လွန်ခဲ့တဲ့ တစ်နှစ်ခန့်  ဇွန်လတုန်းက အလုပ်ကိစ္စတစ်ခုနဲ့  တရုတ်နိုင်ငံ ရှန်ဟိုင်းမြို့ ကို သွားဘို့ အကြောင်းပေါ်လာတယ်။ သွားရမယ့်ကိစ္စကလည်း ကျွန်တော်တို့ ဆီကရောင်းထားတဲ့ ပစ္စည်းကို စမ်းသပ်ဘို့ အတွက် ကျွန်တော်ရယ်၊ ကိုရီးယား အင်ဂျင်နီယာ ၅ယောက်ရယ် သွားရမှာဖြစ်ပြီး ကိုရီးယား အင်ဂျင်နီယာတွေနဲ့  ရှန်ဟိုင်းလေဆိပ်မှာ ဆုံကြရမှာပါ။


ပြီးတော့ ရှန်ဟိုင်းကမှ ၂နာရီ ၄၅မိနစ် ကြာ ကားမောင်းရမဲ့ နန်တုန်း(Nang Tong) ဆိုတဲ့မြို့ ကို အတူတူ သွားကြရမှာပါ။ ခရီးစဉ်ကတော့ ကျွန်တော့်အတွက် ရှုပ်ထွေးစရာ ကောင်းပါတယ်၊ ဘာဖြစ်လို့ လဲဆိုတော့ ဒီအင်ဂျင်နီယာတွေကို တခါမှလည်းမတွေ့ ဖူးဘူး။ ဒါနဲ့ ပဲ စင်ကာပူဖလိုက်နဲ့  ညတစ်နာရီမှာ စင်ကာပူကနေ ကျွန်တော် ထွက်လာခဲ့တယ်။


စင်ကာပူကနေ ရှန်ဟိုင်းထိ ၅နာရီခွဲ လေယာဉ်စီးခဲ့ ရတယ်။ ရှန်ဟိုင်းကို နံက် ၆နာရီခွဲ မှာ ရောက်သွားတယ်။

စင်ကာပူနဲ့  တရုတ်နဲ့ က စံတော်ချိန် အတူတူပဲ။ ဒါနဲ့  လေဆိပ်က အင်မီဂရေးရှင်း ဖြတ်တော့ ကျွန်တော့်တို့  ရွှေမြန်မာတွေ ထုံးစံအတိုင်း နဲနဲ ကသိကအောက် ဖြစ်ခဲ့ရတယ်၊ မဗေဒါကို မေးကြည့်ပါ..........သူပိုသိတယ်............D)


ဒါနဲ့ ပဲ ကျွန်တော် ကိုရီးယား ဖလိုက်ကို စောင့်ရဦးမှာမို့  အချိန် စုံစမ်းကြည့်တော့ ၁၁နာရီခွဲမှ ရောက်မှာဖြစ်တယ်။ ကျွန်တော့်မှာ ၅နာရီ လုံးလုံး လေဆိပ်ထဲ နေရမယ့်ပုံ၊ ဘယ်မှလည်းမသွားရဲဘူး။ ဘာဖြစ်လို့ လဲဆိုတော့ ကျွန်တော်မှ တရုတ်လို မပြောတက်တာ။ လေဆိပ်ထဲမှာတော့ အင်္ဂလိပ်လိုပြောလို့ ရတယ်။ ဒါနဲ့ ဘဲ လေဆိပ်မှာ ကျွန်တော်လည်း ဟိုလျှောက် ဒီလျှောက်နဲ့  ၁၁နာရီခွဲထိ စောင့်လိုက်ရတယ်။


ရှန်ဟိုင်းလေဆိပ်ရဲ့ ထူးခြားချက်က တစ်ခုခုကြော်ငြာရင် အဂ်လိပ်၊ တရုတ်၊ ဂျပန်၊ ကိုရီးယား ဘာသာ၎မျိုးနဲ့  ကြော်ငြာတယ်။ ဒီလိုနဲ့  ၁၁နာရီခွဲတော့ ကိုရီးယားလေယာဉ် ဆိုက်ရော၊ ဒါနဲ့  ကျွန်တော်လည်း စာရွက်လွတ် မှာ သူတို နာမည်ရေးပြီး ထွက်ပေါက်ကနေ စောင့်နေလိုက်တယ်။


ကျွန်တော်တို့ စုမိကြပြီး နာရီဝက်လောက်ကြာတော့ တရုတ်တာဝန်ခံ ရောက်လာပါတော့တယ်။ သူကတော့ အီးလို နဲနဲ ရတယ်။ ဒီလိုနဲ့ ပဲ ကျွန်တော်တို့ အဖွဲ့  နန်တုန်း ကို ခရီးဆက်ခဲ့ကြပါတယ်။ ရှန်ဟိုင်းကနေ နန်တုန်းကို ကားစီးရတာ၂နာရီ ၄၅မိနစ် ကြာပြီး လမ်းမှာ မြို့ တွေအများကြီး ဖြတ်သွားရတယ်။


တစ်ခုသတိထားမိတာက သူတို့ ရဲ့ အဝေးပြေးလမ်းတွေ အကုန်လုံးက စလုံးက အဝေးပြေးလမ်းတွေပုံစံအတိုင်း ဆောက်လုပ်ထားတာပါ။ လမ်းဘယ်လောက် ကောင်းလည်းဆိုရင် ကားဟာတစ်ချိန်လုံး ကီလိုမီတာ ၁၁၀ အထက် ကနေမောင်းနေတာ ကျွန်တော်တောင် ဘုရားတယူရတယ်။ လမ်းတလျှောက် တိုးရ်ဂိတ်တွေကလည်း အများကြီးပဲ။ တိုးရ်ဂိတ်အကျော် လမ်းတစ်ဖက် တစ်ချက်ဟာလည်း လူတိုင်းလမ်းဘေးမှာ ဆီးသွားကြပြီး သေးစော်ဖုန်းလွှမ်းနေပါတော့တယ်။


လမ်းကမြို့ တွေ ဖြတ်တဲ့အခါမှာလည်း မြို့ တွင်းလမ်းကသွားစရာမလိုဘဲ မြို့ ပေါ်ကဖြတ်ဖောက်တားတဲ့ မိုးပျံလမ်းတွေကနေ ဖြတ်သန်းသွားရတာလည်း ထူးခြားမှူတစ်ခုပါပဲ။


ဒီလိုနဲ့ ပဲ ကျွန်တော်တို့ ကားလေးဟာ ညနေ ၆နာရီ ကျော်ကျော်လောက်မှာ နန်တုန်းမြို့ လေးထဲကို ဝင်ရောက်လာပါတော့တယ်။

နန်တုန်းမြို့ ရဲ့ ညနေခင်းအလှ

နန်တုန်းမြို့ ဟာဆိုရင် စင်ကာပူလောက် ရှိပြီး အံ့မခန်း တိုးတက်နေတာကို တွေ့ ရပါတယ်။ ကျွန်တော်ထင်တဲ့ အေးအေးဆေးဆေး နယ်မြို့ မဟုတ်ဘဲ ခေတ်မှီတိုးတက်လာတဲ့ မြို့ ပြတစ်ခုဖြစ်နေပါတယ်။ စက်မှုဇုံမြို့ ဖြစ်ပြီး ဂျပန်စက်ရုံ အမြောက်အများ လာရောက်ဖွင့်လှစ်ထားပါတယ်။

နန်တုန်းမြို့ လည်တစ်နေရာ

ဒီလိုနဲ့ ပဲ ကျွန်တော်တို့ တည်းရမယ့် ဟော်တယ်ကို ရောက်လာပါတော့တယ်.................။

ဆက်ပါဦးမည်..............။

သတိ (နောက်ဆက်တွဲ)

မနေ့ ကတင်တယ့် spy cam ball pen အကြောင်းပိုစ့် မှာ အဲဒီ spy cam ဘောလ်ပင် အကြောင်းကို စိတ်ဝင်စားစွာဖြင့်မေးလာတယ့်အတွက် စလုံးမှာ ရှိကြတယ့် ရွှေညီအမတွေ သိသင့်တယ် ထင်လို့  အောက်မှာ
လင်ခ့်ပေးလိုက်ပါတယ်။ ရွှေကိုကိုတို့ လည်း စိတ်ဝင်စားရင် လေ့လာလို့ ရပါတယ်။

ကိုဘွိုင်း ကျေနပ်မယ်လို့ ထင်ပါတယ်............D)

http://shop.ebay.com.sg/?_from=R40&_trksid=p4634.m38.l1311&_nkw=spy+pen&_sacat=See-All-Categories

သတိ

ဒီနေ့  စင်ကာပူထုတ် တူဒေးသတင်းစာမှာ ပါတယ့် အမှုတစ်ခုကတော့ မိန်းကလေးတွေအတွက် သတိထားရမယ့် ပြဿနာတစ်ခု ဖြစ်ပါတယ်၊ mini skirt ဝတ်တဲ့ မမတို့ ဂရုစိုက်ပါ။ အမှုအကျဉ်းချုံးကတော့ မိန်းကလေးတစ်ယောက် သူ့ ရုံးသွားဖို့  အငှါးကားငှါးစီးတာ အဲဒီကားဒရိုင်ဘာက spy cam နဲ့  မှတ်တမ်းတင်ထားလိုက်တာ ဖြစ်ပါတယ်။

နည်းပညာ တိုးတက်နေတဲ့ ဒီခေတ်မှာ spy cam ဆိုတာလည်း တော်ရုံလူ သတိမထားမိနိုင်ပါဘူး။ အဲဒီ spy cam ကလည်း ရိုးရိုးလေးပါပဲ၊ ဘောလ်ပင် လေးပါပဲ။

ကားသမားက အဲဒီဘောလ်ပင်ကို သူ့ ရဲ့ ဘယ်ဘက်ခြမ်း ရှေ့ထိုင်ခုံ နှစ်ခုံကြားမှာ ထောင်ထားတယ်၊ ကားပေါ်စတက်တော့ ကားမောင်းနေရင်းနဲ့  ဘောလ်ပင်ကို လှည့်ပြီး target ကို ချိန်တယ်။ ဒါပေမယ့် ကားသမားမှားသွားတဲ့ အချက်က ဒီမိန်းကလေးက ဒီဘောလ်ပင် အကြောင်းကို သိနေတယ်၊ ဒီဘောလ်ပင်ကို လည်း စလုံးက e-bay မှာ ကြောငြာထားတယ်။

ဒါကြောင့် သူ့ ရဲ့ ဟန်းဖုန်းထုတ်ပြီး ဓါတ်ပုံရိုက်၊ ပြီးတော့ ရဲစခန်းမှာ အမှုဖွင့်လိုက်တယ်။ သူမအနေနဲ့  အံ့သြတာကလည်း ကားသမားဟာ သူ့ အဖေအရွယ် ဖြစ်နေပြီး ဒီလို မလုပ်သင့်ဘူးလို့  သူမြင်တယ်။
ဒါ့ကြောင့် စလုံးမှာ နေထိုင်ကြတဲ့ ရွှေမြန်မာ ညီမတွေလည်း သိပ်မတို ကြပါနဲ့ လို့  သတိပေးခြင်တယ်။

တိုမယ်ဆိုလည်း သတိမလွတ်ကြပါနဲ့ .......

နည်းပညာ တိုးတက်နေတဲ့ခေတ်ကြီးမှာ ဘာကိုမှ ယုံလို့  မရပါဘူး။ ဒီသတင်းကို ရွှေညီအမတွေလည်း အချင်းချင်း လက်တို့ လိုက်ပါလို့ ပြောကြားရင်း....................။

(ဒီဇိုင်းနာ မမတို့ရေ ဖြစ်နိုင်ရင် မြန်မာ့ရိုးရာထမီကို ခေတ်ပေါ်ဒီဇိုင်းထွင်ပြီး penisula မှာတင်ရောင်းကြပါလို့ )

ဂျင်ဆင်းကြက်စွပ်ပြုတ်

မနေ့ က သူငယ်ချင်းတစ်ယောက် နေမကောင်းဖြစ်တယ် ကြားတော့ ဒီနေ့ ရုံးကအပြန် သူနေတဲ့နေရာကို သွားပြီး လူနာသတင်း သွာမေးတယ်။ သူဖြစ်တာကလည်း အခု လတ်တလော စလုံးမှာ ခေတ်စားနေတဲ့ နှာစေး ချောင်းဆိုးပါ၊ သိပ် အကြီးအကျယ် မဟုတ်ပါဘူး။ ဒါပေမယ့် အခု စလုံးမှာ အဲ့ဒီဟာ မဖြစ်ရင် ခေတ်မမှီတော့ သလို ဖြစ်နေတယ်။

ဒါနဲ့ ဘဲ သူအိမ်ရောက်တော့ သူငယ်ချင်းနဲ့  ဆေးခန်းအတူသွား ပြီးတာ့ ညနေစာကို အဲ့ဒီနားက Tiongbaru Plaza အပေါ်မှာဖွင့်ထားတဲ့ Koppitian မှာ ညနေစာ အတူတူ စားကြတယ်၊ အဲဒီက ကိုရီးယား ဆိုင်မှာ ရရှိတဲ့ ဂျင်ဆင်းကြက်စွပ်ပြုတ်ရည် ကို ဘလောဂ်ဂါ မောင်နှမများအတွက် လမ်းညွှန်လိုက်ပါရစေ။ ကျွန်တော် ကိုရီးယားမှာ တခါစားခဲ့ရတယ်။

လူမမာများအတွက် အသင့်တော်ဆုံး အစားအစာလို့  ကျွန်တော်မြင်တယ်။ ကိုရီးယားလို ဘယ်လိုခေါ်လဲ ကျွန်တော်မသိပါ၊ မဗေဒါ သိမှာပါ ................D။ သူချက်ထားတဲ့ပုံက ၈လ နဲ့  ၆လ (တခုခု)ကြက်ကို ဂျင်ဆင်းနဲ့ ရောပြီး စွပ်ပြုတ် လုပ်ထားတာပါ၊ ကြက်ဗိုက်ထဲမှာ ထမင်းထည့်ထားတာပါ။

အောက်ကပုံကတော့ ကိုရီးယား မှာ စားခဲ့တုန်းက ရိုက်ခဲ့တာပါ၊

စားချင်စဖွယ်စွပ်ပြုတ်ပုံ

စားမဲ့ဝါးမယ့် ကျွန်တော်တို့ အဖွဲ့ 

ကိုရီးယားမှာ စားတုန်းကတော့ ဂျင်ဆင်း အရည်တစ်ခွက်ပါတိုက်တယ်၊ စလုံးမှာတော့ မပါဘူး။ စလုံးမှာတော့ ဈေးနှုန်း ၂မျိုးနဲ့  ရောင်းပြီး ကြက်တစ်ခြမ်းကို ၆ ဒေါ်လာ၊ တစ်ကောင်လုံးကို ၁၁ဒေါ်လာ ဖြစ်ပါတယ်။ အရမ်းကို အဟာရဖြစ်တဲ့ အစားအစာဖြစ်လို့  ဘလောဂ်ဂါ မောင်နှမတွေ အတွက် ကြော်ငြာခ တစ်ပြားမှ မရဘဲ ဝေမျှလိုက်ပါတယ်။

ဘလောဂ်ဂါ မောင်နှမများ ကျန်းမာ ဝဖြိုး အလှတိုးကြပါစေ...............P။